مدونه ميه ميه

علشان المدونه بتاعتك تبقى ميه ميه تعمل ايه؟
طبعا تحط نكت بايخه وكلام ابيح علشان الناس تحبك وكمان متنساش تشتم دينك وعلمائك
ده كلام؟
ايوه كل الناس بتعمل كده
انا عايز رأيكم فى الموضوع ده ينفع الكلام ده
انتو ازاى عايزين تصدوا الباطل ومدوناتكم كلها باطل لازم كلامكم يبقى محترم علشان الناس تحترمكم مينفعش كده يا شباب علشان تصلح الحكومه الخربانه لازم تصلح نفسك ومينفعش الكلام ده يطلع من ناس محترمه أصلا
وبعدين ايه اللى انتو بتعملوه ده ازاى تتجرأو على علماء الدين بالشكل ده عمركم شفتواواحد مسيحى محتركم بيتجرأ على قسيس؟
انا عايز اقول لكم حاجه واحده
الناس الناصريين اللى انتو ماشيين وراهم هيضيعوكم اذا كنتم بتنقضوا التعذيب فى عصر مبارك طلعو اى كتاب محترم عن العهد الناصرى أو أسألو اى حد محترم وهو يقول لكم أزاى كان التعذيب فى عهد عبد الناصر شوفوا قناه الجزيره وأسالو اى حد كبير يقول لكم المهازل والظلم اللى كان فى عهد عبد الناصر فتحوا عنيكم وابحثو بنفسكم ومش أى حد يقول حاجه تصدقه
انا مش معنى كلامى انى بدافع عن عصر مبارك اللى مليان بالظلم بس ده ميجيش نقطه فى بحر عهد عبد الناصر وانا بركز فى كلامى على عهد عبد الناصر لان الناصريين اللى مليين دماغكو بكلام ضد الدين هما اللى هيضيعو دينكم
انا من راىى انكم متسمعوش كلام حد ولا كلامى ولا كلام غيرى دوروا بنفسكم وأرجعو لامهات الكتب فى الدين وللعلماء الافاضل وشغلو مخكم وخلو نيتكم صافيه وأفتحو قلبكم للحقيقه اللى فى مصلحتكم وهى ان كل واحد يوم القيامه هيقول يا له نفسى يعنى اللى بتمشى وراه مش هينفعك وعلى فكره مش معنى كلامى ان يوم القيامه الناس هتبقى اندال لكن من كتر الهول هيبقى كل الناس مذهوله
خلاص اتفقنا؟ ردوا على فى اقرب وقت
مع السلامه